9-кѳрсѳткүч. Согуштар, чыр-чатактар жана массалык зордук-зомбулуктар
Бул бѳлүмдү окуп-үйрѳнүүдѳ силер:
- «Согуштар, чыр-чатактар жана массалык зордук-зомбулуктар» 9-кѳрсѳткүчтүн кѳз карашында окуу материалдын мазмунун жана анын визуалдык коштоосун баалай аласыңар;
- «Согуштар, чыр-чатактар жана массалык зордук-зомбулуктар» 9-кѳрсѳткүчтү эске алуу менен окуу материалын жана анын визуалдык коштоосун тандай аласыңар;
- гендердик теңдик жана басмырлоого жол бербѳѳ баалуулуктарын карманууну окуучуларда калыптандыруу үчүн окуу жана башка маалыматта бул кѳрсѳткүчтѳрдүн бузулушуна кѳңүл бурасыңар.
Бул кѳрсѳткүч талдоо үчүн ѳзүнѳ тѳмѳнкү суроолорду жана аспектилерди камтыйт:
- Маданият, саясат жана экономика тармагында ѳнүгүү менен байланышта чыр-чатактардын жана согуштардын баяндалышы
- Согуштар жана чыр-чатактарды баяндоонун максаттуулугу
- Чыр-чатактарга бардык тартылган тараптардын ролу
Сѳздүккѳ
Чыр-чатак (лат. conflictus - кагылышуу). Социологияда класстардын, социалдык
топтордун, индивидумдар ортосундагы карама-каршы идеологиялардын, кѳз караштардын, максаттардын,
кызыкчылыктардын кагылышуусу.
Булак: Философиялык энциклопедиялык сѳздүк. – М., 2010-ж.
Чыр-чатак. Карама-каршы кубулуштар же кагылышуулар жашоонун бир бѳлүгү,
ѳзгѳрүүлѳрдүн булагы катары кѳрсѳтүлүшү мүмкүн, ал кѳңүл койгон мамилени жана ишти талап кылат.
Ошондой эле айырмачылыктар – бул жѳн гана бѳлүнүү себеби эмес, биригүү, кооперация мүмкүнчүлүгү, кѳп
түрдүүлүк -бул ресурс экендигин кѳрсѳтүү маанилүү.
Булак: «Басмырлоого жол бербѳѳ жана гендердик экспертиза жүргүзүү методологиясы боюнча
окуу-методикалык комплекси» колдонмосу- Бишкек, 2019-ж.